Istoric :

Noste grop de cantaires que vadó en 1974 dab la volontat d’amushar noste especificitat culturau biarnesa a un vilatge breton dab lo quau eram embessonats.
Ta commençar, lo repertòri qu’era tradicionau e cantat a capella. E puish, qu’avem creat las nostes cantes e integrat la guitarra, l’acordeon diatonic, la flabuta a 3 horats, la carlamusa.

Identitat :

Lo grop qu’ei compausat de 13 òmis deus quaus 5 musicaires (guitarras, arreboms, acordeon, senté, armonica, flabuta. Que cantam a 3 votz creacions deu group en lenga occitana : los tèstes, ecrivuts per Fabienne Loustalet e Anne Barraqué, que parlan de la vita vitanta, de nostes paisatges, de noste lenga mes taben de la vielhesa, de la separacion, deu racisme… Las musicas que son compausadas per los musicaires deu group, ço qui balha une varietat de estiles e de ritmos : valsas, pasejadas, aires de hesta... 

Espectacles :

Qu’avem cantat dens mei de un vilatge deu Biarn mais taben deu Bascoat, de las Lanas, de Bigorra, de Gironda, de Bretanha e de Espanha. Los nostes mei berois emponts : las pastoralas de Nadau a Lescar, lo hestenau deus cans d’aulhers de Aramits (premits en 2001), las missas en biarnés, los hestenaus de Siros.
Las paraulas de cada canta que son explicadas e illustradas en francés, de còps dab petitas pèças umoristicas.

Discografia : 
Qu’avem realisat 4 registraments auto-produsits : dus 33 torns, une caisseta «Présent» e un CD «Camin amassa» ; qu’em taben pro fiers d’aparéisher sus lo CD deus 40 ans de Siros dab la canta «Amistat».